ALL ஆன்மீகம் NEWS VIDEO
மே 31க்கு பிறகு கோயில் திறக்கப்படலாம்..! தயாரான திருப்பதி தேவஸ்தானம்..!
May 30, 2020 • Dharmalingam

மே 31க்கு பிறகு கோயில் திறக்கப்படலாம்..! தயாரான திருப்பதி தேவஸ்தானம்..!

பக்தர்களுக்கு தரிசனம் வாய்ப்பை ஏற்படுத்திக் கொடுக்க திருப்பதி தேவஸ்தான நிர்வாகம் தயார் நிலையில் இருப்பதாக தெரிவித்துள்ளது திருப்பதி தேவஸ்தானம்

இதுகுறித்து, திருமலை திருப்பதி தேவஸ்தான அறங்காவலர் குழு தலைவர் சுப்பா ரெட்டி அளித்துள்ள பேட்டியில், திருமலை திருப்பதி தேவஸ்தான அறங்காவலர் குழுவின் ஆலோசனைக் கூட்டம் இன்று திருப்பதி மலையில் உள்ள அன்னமய்யா பவன் கூட்டரங்கில் நடைபெற்றது.

காணொலி காட்சி மூலம் நடைபெற்ற அறங்காவலர் குழு கூட்டத்தில் ஒருசில அறங்காவலர் குழு உறுப்பினர்கள் நேரடியாக கலந்து கொண்ட நிலையில் வெளி மாநிலங்களை சேர்ந்த அறங்காவலர் குழு உறுப்பினர்கள் நேரடியாக கலந்து கொள்ளாமல் காணொளி மூலமாக கூட்டத்தில் கலந்து கொண்டு தங்கள் கருத்துக்களை எடுத்துக் கூறினர்.

சமூக இடைவெளியை கடைப்பிடித்து பக்தர்கள் ஏழுமலையானை தரிசனம் செய்வதற்கு தேவையான அனைத்து ஏற்பாடுகளையும் தேவஸ்தான நிர்வாகம் செய்து முடித்துள்ளது. முப்பத்தி ஒன்றாம் தேதி ஊரடங்கு நடைமுறை முடிவுக்கு வந்தபின் மாநில அரசின் ஒப்புதலைப் பெற்று பக்தர்களை சாமி தரிசனத்திற்கு அனுமதிக்க தயாராக இருக்கிறோம் என்று கூறினார்.