ALL VIDEO NEWS ஆன்மீகம்
இந்தியாவின் பிரபல கிளாசிக்கல் பண்டிட் ஜஸ்ராஜ் காலமானார் பிரதமர் இரங்கல்
August 18, 2020 • Dharmalingam

பிரபல கிளாசிக்கல் பாடகர் பண்டிட் ஜஸ்ராஜ் அமெரிக்காவின் நியூஜெர்சியில் காலமானார். இவரது மரணத்திற்கு காரணம் இன்னும தெரியவில்லை. இவரது மரண செய்தியை இவரது மகள் துர்கா ஜஸ்ராஜ்   தெரிவித்தார்.

பண்டிட் ஜஸ்ராஜிக்கு 90 வயது. அவர் ஜனவரி 28, 1930 இல் பிறந்தார். இந்தியாவின் பிரபல கிளாசிக்கல் பாடகர்களில் ஒருவர் ஜஸ்ராஜ்.

அவரது தந்தை பண்டிட் மோதிராம் இறந்தபோது ஜஸ்ராஜுக்கு நான்கு வயது, அவர் மூத்த சகோதரர் பண்டிட் மணிராமின் ஆதரவின் கீழ் வளர்க்கப்பட்டார். இசையில் ஜஸ்ராஜ் 80 ஆண்டுகளுக்கும் மேலாக செலவிட்டார். மேலும், பல முக்கிய விருதுகளைப் பெற்றுள்ளார்.

இவரது இசை வாழ்க்கையில் பத்மஸ்ரீ, பத்ம பூஷண் மற்றும் பத்ம விபூஷன் போன்ற விருதுகள் வழங்கப்பட்டுள்ளது. இந்தியா, கனடா மற்றும் அமெரிக்காவில் ஜஸ்ராஜ் இசை கற்றுக் கொடுத்துவந்துள்ளார். அவரது சீடர்களில் சிலர் புகழ்பெற்ற இசைக்கலைஞர்களாகவும் மாறிவிட்டனர்.

அமெரிக்காவின் நியூ ஜெர்சியிலும் அவருக்கு ஒரு வீடு உள்ளது. அவரது இசைப் பள்ளியும் அங்கு இயங்குகிறது என்பது குறிப்பிடத்தக்கது.

இதனையடுத்து, பண்டிட் ஜஸ்ராஜ் குறித்து பிரதமர் வெளியிட்டுள்ள இரங்கல் செய்தியில், "பண்டிட் ஜஸ்ராஜ் அவர்களின் துரதிர்ஷ்டவசமான மறைவு இந்தியக் கலாச்சாரத் துறையில் ஆழமான வெற்றிடத்தை விட்டுச்செல்கிறது.